تغيروا معارفي ومعظم الناس

تغيروا معارفي ومعظم الناس=والعهد الاول كنهم ناسيينه
عالم نعيشه كن ما هو على اساس= اصبحت مع من قال لي كارهينه
مجالسً ماهي مجاليس ميناس= حديث ثلثينه مواضيع شينه
ونفوس ماعادت تواصيفها انفاس= ما من مناعه ولا هي بالحصينه
وقلوب جفت بالتواصيف يباس= كل المشاعر نايمه او سجينه
ليل الفرح تبدل بليل هوجاس= الليل اسود والليالي حزينه
ما من تفاعل واختفى كل نبراس=لاعاد صدقً او علاقه متينه
ما ألوم انا ضراب الاخماس بخماس= ضاع الصفاء وضاعت بقية سنينه
والخاطره كتبتها فوق قرطاس=سليت خاطر .والعزاء لقاريينه
ومع كل هذا اقول للحال لا باس=ما زال بالدنيا دقايق ثمينه
دقايقُ والله هي ترفع الراس=صلاتك للي دايماً نستعينه
اسجد وخلك لحظة ً معه باحساس=خشوعك في ركعه تساوي مدينه
دينك وتقوى الله تراه نوماس= (ان عشتها) صارت حياتك امينه
اخير من جمع اللأليء والالماس= واخير من دنيا الفناء ومشتهينه
يالله ياللي خالق الكون بأقياس= خلقتنا وانت الذي عابدينه
ترحم عبادك مبعداً كل وسواس= وفردوسك الاعلى كرم طالبينه

مشكوره مرام على مرورك

.......تسلمي ع الكلام

شكرا لك موضوع متميز

تـسـلـمـيـ عـ الكلامـ