من اول مادخلتي

من اول مادخلتي دنيتي والحال غير الحال
اشوف ايامي السوده تلاشت وانمحا همي

اشوفج نبض قلب وظحكة سنيني وراحة بال
وأحسج وسط شريان الخفوق تضخلي دمي

عليج نفوس خلق الله سبب زينج تزيد هبال
سترج الله من عينن تشوفج دون لا تسمي

تعالي واسمعي قلبي وإذا تدرين وشهو قال
قسم بالله قلبج كل لحظه يلتفت يمي

لو إن اوزن غلاج بجوهر الدنيا وكل المال
بترجح كفتج والمال ماني فيه مهتمي

انا قلبي عليج ولا يبي غيرج بأية حال
احسج غاليه واقرب من ايديني لطرف كمي

تحياتي

عفوا

شكرا



كلام روعه

عفوا انتي اروع

الف شكر لك

يسلمؤؤؤ