أصل الفتنة
أصل الفتنة الطائفية
مسيحى داس علي قشرة موز واتزحلق ورجله انكسرت
سأل مين اللي رمى الموزة دي؟
الرد : ده الواد بولس
... ... ...
طيب مين اللي اداله الموزة
الرد : ابوه عم جرجس
طيب منين اشتري الموز؟
الرد : من عند حنا الفكهاني
اممم طيب حنا الفكهاني بيتعامل مع انهي تاجر جملة؟
الرد : بيتعامل مع مايكل من شبرا
طيب مايكل بيتعامل مع انهي مزارع موز
بيتعامل مع مزارع الشيخ أحمد السلفي
ايوه ايوه ♫♫♫ اممممممممم
الحوقوووني ي ي ي ... يا نهار اسود احمد السلفي كان هيموتني
*******تاني يوم
*******
المصري اليوم : سلفي يكسر رجل مسيحي فى شبرا
الشروق : مسلسل الفتنه لازال يضرب بمصر
الأهرام : إرحموا مصر
الدستور : نار الفتنه تحرق جسد مصر العاري
الجمهورية : سلفى يفتك بمسيحى فى شبرا
مني الشاذلي: تلبس اسود في البرنامج...
عادل حمودة: يجيب صورة من قنبلة هيروشيما ويقولك الموزة انفجرت في وشه
يسري فودة... يقولك انه قدر المسيحين (الموز عليهم حق )
بلال فضل: اعتقد ان الشجرة اللي اكل منها ادم وحوا كانت شجرة موز وان الموز رغم كل اللي عمله هيفضل من شجر الجنة ....
معتز الدمرداش : يفتح فمه مشدوها مبهورا كالعادة بأن فيه موز في مصر
نبيل شرف (المدلس ) // الاغتيال باستخدام الموز دي طريقة قديمة للاسلاميين للتخلص من الاقباط
مثال ملخص لإعلامنا الرائع
موضوع: أصل الفتنة الطائفية 
2011-12-02, 2:24 am
