فطيرة روتي بوي المكسيكيه اللذيذه

اول شي لازم نجهز 3 اصابع زبده ووياهم نتفه صغيره ( كل اصبع 100 جرام مع قطعة صغيره
حوالي 60 جرام ) ونخليهم في درجة حرارة الغرفه...
عشان نبدأ نسوي الخطوات كلها مع بعض

راح نبدأ بالحشوه
بنحتاج 100 جرام زبده من اللي فوق اللي طلعناهم وتركناهم
يعني اصبع واحد
نص ملعقة طعام فانيلا
3 ملاعق طعام سكر بني

راح نخلطهم مع بعض ويطلع ويانا بهالشكل

راح ندخلهم الثلاجه شوي مجرد انها تتماسك الزبده ونقدر نشكلها
دام هي تبرد شوي نجهز لتغطية العجينة

راح نحتاج الى
200 جرام زبده يعني اصبعين
وكاس الا ربع سكر بودره
و3 بيضات كبار
وملعقة طعام كوفي مذوبه مع ملعقتين طعام ماي
ملعقة صغيره دارسين او قرفه
كوب طحين

راح نخفق الزبده مع السكر البودره

الين يصير الخليط ابيض ونبدأ نضيف البيضات

وحده وحده
اذا انخلطت الاولى واختفت نحط الثانيه
بعدين نضيف الكوفي ونخلط
ونضيف القرفه

وآخر شي نضيف الطحين

راح يطلع عندنا خليط زي كذا

يكون زي خليط الكيك بس اثقل شوي
ونتركه على جنب

الحين نرجع الى الحشوه ونطلعها من الثلاجه ونبدأ نشكلها كور صغار
كل وحده قد حبة الحمص مو كبااااااااااار

وبعد ما نخلص نرجعهم الثلاجه ونخليهم

الحين نجي للعجينة الحلوه

راح نحتاج الى
كاسين ونص طحين
ملعقة طعام حليب بودره
كاس الا ربع سكر عادي
رشة ملح
ملعقة طعام خميره فوريه
بيضه
كاس وربع ماي
وممكن نستغني على الحليب البودره والماي ونستخدم كاس وربع حليب سائل
وقطعة زبده اللي هي 60 جرام شفناها فوق مع قروب الزبده خخخ

اول شي بنخلط الطحين مع السكر والملح ونضيف عليهم الخميره بعدين البيضه
بعدين نضيف الماي مع الحليب او الحليب السائل
ونعجهم لمدة 5 دقايق
بعدين نضيف قطعة الزبده ونعجن شوي
بتتكون عندنا عجينة ما تتلصق ونشيلها ونحط في قدر او شي
ونغطيها ونخليها تتخمر 45 دقيقه كذا

بعدين نقطعها الى كور متوسطه يعني تقدري تقولي بحجم قبضة اليد
وناخذ كل كوره ونفردها باليد
ونحط داخلها وحده من كور الزبده اللي سويناها بالاول زي كذا

ونسكرها على بعض زي كذا
اهم شي تسكروها زين عشان وقت الخبز الزبده ما تطلع بره

ونكورها زين

ونصفها في صينية مرشوشة بشوية طحين ونترك فراغات بينهم لأنهم بيكبروا في الفرن

ونغطيها مره ثانيه ونتركها تتخمر 45 دقيقه بعد
بعدين نجيب التغطيه اللي سويناها ونحطها بكيس حلواني
ونسويها كذا على العجين
بحيث انك تغطي النص العلوي من العجين كله <صح عليك ياللغه

وتكوني قبلها مسخنه الفرن على حرارة 400 فهرنهايت او 270 اذا غاز
وتدخليها الفرن
راح تلاحظي ان التغطية سالت وغطت العجينة كلها يعنو هالشي تمام عندك
نتركها من 12 - 15 دقيقه مو اكثر
بنلاحظ ان التغطيه صار عليها زي فقاعات الهوا يعنو انها استوت زين
وهذي اول ما طلعت الحلوه من الفرن

وهاي من قريب

وهذي من داخل

وهني وعافيه

شكراً لك